अबैध भन्सार छलीका सामान बरामद
२०८०-०६-१८
कञ्चनपुर:- कञ्चनपुर जिल्लाको बिभिन्न स्थानहरु,भिमदत्त नगरपालिका वडा नं. ८ तिलाचौरबाट अबैध रुपमा भारतबाट भन्सार छली ल्याएका अन्दाजी मूल्य रु. ३१,७००।– बराबरको जुता,लेडिज सुट,चिनी लगायतका सामानहरु,भिमदत्त न.पा.४ शिव मन्दिर रोडबाट अन्दाजी मूल्य रु. ३९,१६०।– बराबरको चिनी,मटर दाल,प्लाष्टिक लगायतका सामानहरु र बेलौरी न.पा. ६ भन्सार रोडबाट अन्दाजी मूल्य रु. १,४८,१००।- बराबरको चिनी,केराउ,युरिया मल,आलु,ग्याँस चुलो लगायतका सामानहरु गरि जम्मा अन्दाजी मूल्य रु.२,१८,९६०।– बराबरको सामानहरु बुधबार प्रहरी गस्ती टोलीले बेवारिसे अबस्थामा फेला पारी आवश्यक प्रकृया पुरा गरि नियन्त्रणमा लिएको हो । कैलाली:- कैलाली जिल्लाको बिभिन्न स्थानहरु, धनगढी उ.म.न.पा. २ पुरानो भन्सार स्थित अबैध रुपमा भारतबाट भन्सार छली ल्याएका अन्दाजी मूल्य रु. ५९,५००।– बराबरको क्यामराको बिभिन्न पार्टपुर्जाहरु, धनगढी उ.म.न.पा. २ ब्यारेल नजिकबाट अन्दाजी मूल्य रु.५६,७००।– बराबरको लेडिज सुट,कुर्ती,धोती,चिनी लगायतका सामानहरु र धनगढी उ.म.न.पा. १८ थापाघाटबाट अन्दाजी मूल्य रु. २५,१६०।- बराबरको काटा चम्चा,स्टिलको बाटा,स्टिलको कचौरा,मोटरसाईकलको क्लोज पलेट लगायतका सामानहरु गरि जम्मा अन्दाजी मूल्य रु.१,४१,३६०।– बराबरको सामानहरु बुधबार प्रहरी गस्ती टोलीले बेवारिसे अबस्थामा फेला पारी आवश्यक प्रकृया पुरा गरि नियन्त्रणमा लिएको हो ।
